ودي اضمك &&&

[روح الروح]

ودي اجيك من التعب ثم اضمك =وتشوف انا اشلون عايش بلياك

قربك عطر ودي من البعد اشمك =اخاف يبرد ما بقالي بذكراك

ابنثرك في عروق قلبي والمك =واحسسك بالحب في يوم لقياك

باقي معي اغلى هدية تهمك =صورتك كاتب فوقها مقدر انساك

متى يزين الوقت واكون يمك =اقلها اعرف ظروفك ودنياك

ياليتني فانفاس لروحك ودمك= ابقى معك واعيش الايام وياك

يا كثر ماني بغربتي شلت همك =انشد نجوم الليل من عقب فرقاك

عليك اخاف اكثر من ابوك وامك =والله ما تلقى مثل قلبي اغلاك

ما ارتاح انا من الوله لين اضمك =واعلمك وشلون حالي بدنياك

[روح الروح]

أجيه وأدري لو أجـي مالقيتـه =لكن كذا أرتاح لاجيـت ماضيـه

والله لا اموت وغايتي مانسيتـه =حتى بصلاتي اطلـب الله يهنيـه

الحاره اللى تفتخـر فـي مبيتـه =نامت كما طفلٍ فقد حضن اهاليـه

حتى في غيابـه للشـوارع شكيتـه =قالت تصدق عاد مثلك انا اغليـه

يشهد جداره من حنينـي بكيتـه =ودي أضم جدار بيته وأنا ابكيـه

ياما بصدق أحساس قلبي عطيته =وياما خذاني من التعب بين اياديه

أذكر في ذاك اليوم مـره لقيتـه =يبكي وضايق ياصاحبي مـن لياليـه

جيته بدون شعور لهفـه خذيتـه =وساعه أنا وياه جالس اواسيـه

وشرد خيالي من دموعه نسيتـه =جالس أفكر في دموعه وناسيـه

أثـره يناظـر دمعتـي مارأيتـه =قام وسألني ليش تبكي وأنا فيـه

مسح دموعي ياصاحبي واحتويتـه= مثل الغريب اللى تضمه غواليـه

واليوم انا والدمع وجـدار بيتـه =نسترجع الذكرى قبـل لا يخليـه

[غلا]

الله عليك ياروح الروح
وعلى قصائدك الأكثر من رائعة
تتغلل لعمق المشاعر و بلحظة أحس أنها تخاطب روحي و مشاعري
دمتي لمن تحبين